DIMANCH 19

Koulè Vèt

DEZYÈM DIMANCH TAN ÒDINÈ ANE-A

PREMYE MOSO LABIB

« Mwen mete ou kòm limyè nasyon yo, pou ou vin tounen delivrans mwen an »

NAN LIV PWOFÈT IZAYI 49, 3. 5-6

Granmèt la di m’ : « Se sèvitè m’ ou ye, Izrayèl, paske se nan ou m’ap jwenn glwa mwen ».

Koulye a, men sa Granmèt la di, li menm ki fòme m’ depi nan vant pou m’ kapab vin tounen sèvitè l’, pou m’ fè Jakòb tounen vin jwenn li, pou m’ rasanble Izrayèl ba li, mwen jwenn glwa m’ devan je Granmèt la. Bondye m’ nan vin tounen fòs mwen.

Li di : « Sa pa kont pou ou sèvitè m’ pou ou kapab leve ras Jakòb yo, pou ou fè debri pèp Izrayèl yo tounen : men mwen mete ou kòm limyè nasyon yo, pou sove mwen sove a rive jous nan bout tè a ».

Pawòl Granmèt la.

R/ Mèsi Bondye, mèsi.        

SÒM REPONS 39, 2 e 4ab. 7-8a. 8b-9. 10

R/ Men m’ap vini, Granmèt, pou m’ fè volonte ou.

Se pa ti kras tann mwen t’ap tann Granmèt la, li panche sou mwen. Li mete yon kantik nouvo nan bouch mwen, yon kantik pou Bondye nou an.R.

Sakrifis ak kado, ou pa t’ vle sa, ou louvri zòrèy mwen. Sakrifis antye ak sakrifis pou peche, ou pa t’ mande sa, lè sa a mwen di : “Men m’ap vini.R.

Nan woulo liv la yo ekri osijè m’ pou m’ fè volonte ou.

Bondye mwen, mwen dakò, lalwa w’ la nan zantray mwen ». R.

Mwen anonse jistis ou a nan gran asanble a; men mwen pa fèmen bouch mwen, Granmèt, ou konnen.R.

DEZYÈM MOSO LABIB

« Gras pou nou ak lapè sot nan Bondye Papa nou ak Granmèt Jezi »

KÒMANSMAN PREMYE LÈT APOT PÒL KI SEN POU KORENTYEN YO 1, 1-3

Pòl, li menm Jezikri rele pou l’apot, daprè volonte Bondye, avèk Sostèn, frè m’, pou Legliz Bondye a ki Korent la, nou menm ki vin sen nan Jezkri, nou menm li rele pou nou vin sen, avèk tout sa k’ap rele non Granmèt nou Jezikri tout kote yo ye avèk kote nou ye a : Gras pou nou ak lapè sot nan Bondye Papa nou ak Granmèt Jezikri.

Pawòl Granmèt la.

R/ Mèsi Bondye, mèsi.        

LEVANJIL

« Men Mouton Bondye a ki wete peche tè a »

MEN BÒN NOUVÈL JEZIKRI A DAPRÈ JAN KI SEN 1, 29-34

Lè sa a :

Jan wè Jezi k’ap vin kote l’, li di : « Men Mouton Bondye a, men sa a ki wete peche tè a. Sa a se osijè l’ mwen te di : « Aprè m’, gen yon moun k’ap vini, li plase devan m’, paske li te ekziste anvan mwen ». Mwen menm, mwen pa t’ konnen l’ ; men se pou l’ te kapab parèt klè nan Izrayèl, se pousa mwen vini mwen menm m’ap batize nan dlo a ».

Jan sèvi l’ temwen, li di : « Mwen wè Espri a k’ap desann tankou yon kolonb sot nan syèl la, li rete sou li. Mwen menm mwen pa t’ konnen l’ ; men sa a ki voye m’ batize nan dlo a, li menm menm li di m’ : « Sou moun nan w’a wè Espri a desann li rete sou li a, se li menm k’ap batize nan Espri Sen an ». Mwen menm mwen wè, mwen sèvi temwen, sa a se Pitit Bondye a ».

An nou fè lwanj ak konpliman pou pawòl Bondye a.

R/ Lwanj pou ou, Granmèt.

REFLEKSYON : Frѐ ak sѐ m’ yo, jodi a nou rive nan dezyѐm dimanch tan ὸdine, sa vle di, tan Nwѐl la fini ; nan Legliz la nou kòmanse yon lὸt tan. An nou gade ki mesaj pawὸl Bondye a pote pou nou jounen jodi a.

Lontan avan Jan Batis, Pwofѐt Izayi te anonse tout sa ki te gen pou akonpli avѐk Jezi, pitit Bondye a. Daprè sa nou li nan premye moso Labib la : « Mwen fѐ w’ tounen limyѐ tѐ a pou li liberasyon m’ nan kapab rive nan tout kwen tѐ a ». An nou gade nou menm kὸman nou resevwa liberasyon sa a ? Kisa nou fѐ pou nou sove ? Kisa nou fѐ pou nou ede lὸt yo sove ? Nan sòm 39 nou li : « Men mwen Granmѐt pou m’ fѐ volonte w’’. Se yon gwo ekzanp pou nou swiv, Jezi ki obeyi jis nan dѐnye bout. Èske nou swiv ekzanp sa a pou nou chѐche fѐ volonte Bondye san nou pa poze kesyon ? Nou dwe toujou louvri kѐ nou pou nou di Bondye « men mwen », menm jan avѐk Jezi.

Pi devan, nan Levanjil Sen Jan, nou wѐ Jan Batis ki prezante Jezi tankou « Mouton Bondye ki wete peche sou tѐ a » devan yon foul moun ki t’ap koute l’ bὸ rivyѐ Jouden an. Jan Batis pa t’ pѐ, li pa t’ wont revele idantite Jezi ba yo. E nou menm, nan kominote nou, nan travay nou, nan mache, nan lekὸl nou ѐske nou pa toujou pѐ oubyen wont pale de Jezi, di ki moun li ye ? Anpil fwa, nou rele byen fὸ pou nou pale ak Bondye pou pwoblѐm ak nesesite nou yo, men jodi a se moman pou nou louvri bouch nou pou nou mande l’ lagras ak lapѐ, pou peyi nou, kominote nou, fanmi nou ak lemond antye, lapѐ ke Jezi, Mouton li an, te pote ba nou e ke nou kapab jwenn an abondans nan li menm sѐl.

LAPRIYÈ : Bondye Papa, menm jan avѐk Jan Batis, m’ap mande w’ anvayi m’avѐk fὸs Lespri Sen w’ lan pou m’ pa janm pѐ ni wont di ki moun Jezi ye tout kote m’ pase.

PWOPOZISYON : Tout moun ki an kontak avѐ m’ ki pa konnen Jezi, m’ap fѐ yo konen ki moun Jezi ye, menm jan avѐk Jan Batis.