SAMDI 31-3-2018 (VEYE PAK LA)

Koulè Blan

Jodi a Legliz la pa fè selebrasyon litijik sof sa yo rele « Liturgie des Heures). Se jou yo kapab pote lakominyon bay moun ki malad.

VEYE PAK LA NAN NUIT KI SEN AN

SIYIFIKASYON VEYE PAK LA :

1. Daprè yon abitid ki la lontan anpil, nuit sa a, se Granmèt la ki mande pou yo obsève l’ (Ekzòd 12, 42), konsa, daprè avètisman Levanjil la (Lik 12, 35s), fidèl yo kenbe lanp yo limen nan men yo, yo sanble ak moun k’ap tann Granmèt la, lè l’ap retounen ; konsa lè l’ rive, li jwenn yo ap veye, l’ap fè yo pran plas sou tab li.

2. Men kijan veye nuit sa a konpoze: aprè yon ti seremoni limyè (premye pati veye a), Legliz la ki sen an ap kalkile mèvèy Granmèt Bondye a fè pou pèp li nan kòmansman, pèp sa a ki te mete lafwa nan pawòl li a ak nan pwomès li a (dezyèm pati, sa vle di seremoni pawòl la), joustan lè jou a pwoche pou Granmèt la leve sot nan pami mò yo, ansanm avèk nouvo manb yo ki refèt nan batèm nan (twazyèm pati). Granmèt la rele fanmi li vin sou tab la, sa l’ te pare pou pèp li a, antan li t’ap mouri pou l’ leve byen vivan (katriyèm pati).

3. Nota Bene.

Nan nuit sa a ki sakre anpil la, kote Granmèt nou Jezikri te travèse sot nan lanmò al nan lavi a, Legliz la envite pitit li yo ki gaye sou fas tè yo, pou yo rasanble vin veye, ak lapriyè. Si n’ap reyalize souvni Pak Granmèt la, antan n’ap koute pawòl li, n’ap fete mèvèy sakre l’ yo, n’ap gen espwa patisipe nan laviktwa l’ ranpòte sou lanmò a pou nou viv avèk li nan Bondye.

-. Tout seremoni veye pak la gen pou l’ fèt nan nuit. Konsa, li p’ap kòmanse anvan kòmansman nannuit la, epi l’ap fini anvan devan jou dimanch la.

-. Mès nan nuit la, menm si l’ fèt anvan minui, se mès pak dimanch rezireksyon an.

-.Moun ki patisipe nan mès nan nuit la, yo kapab kominye ankò nan yon dezyèm mès Pak la.

*****

TÈKS YO LI POU VEYE PAK LA :

PREMYE LEKTI : LEKTI LIV LAJENÈZ 1, 1-2. 2

OUBYEN PI KOUT: LEKTI LIV LAJENÈZ 1, 1. 26-31ª

SÒM: 103, l-2a. 5-6. 10 e 12. 13-l4. 24 e 35

OUBYEN: SÒM 32, 4-5. 6-7. 12-13. 20 e 22

DEZYÈM LEKTI: LEKTI LIV LAJENÈZ 22, 1-18

SÒM: 15, 5 e 8. 9-10. 11

TWAZYÈM LEKTI: LEKTI LIV EKZÒD 14, 15-15. 1

SÒM: Ekzòd 15. 1-2. 3-4. 5-6. 17-18

KATRIYÈM LEKTI: LEKTI LIV PWOFÈT IZAYI 54, 5-14

SÒM: 29, 2 e 4. 5-6. 11 e 12a e 13b

SENKYÈM LEKTI: LEKTI LIV PWOFÈT IZAYI 55, 1-11

SÒM: Izayi 12, 2-3, 4bcd. 5-6

SIZYÈM LEKTI: LEKTI LIV PWOFÈT BARUK 3, 9-15. 31- 4, 4

SÒM: 18, 8. 9. 10. 11

SETYÈM LEKTI: LEKTI LIV PWOFÈT EZEKYÈL 36, 16-17a. 18-28

SÒM: 41, 3. 5bcd; Ps 42, 3. 4

OUBYEN, LÈ GEN BATÈM: Izayi 12 tankou pi wo a (aprè senkyèm lekti a)

OUBYEN ANKÒ: sòm 50, 12-13. 14-15. 18-19

EPIT: LEKTI LÈT APOT PÒL KI SEN POU WOMEN YO 6, 3-11

SÒM: 117, 1-2. 16ab-17. 22-23

LEVANJIL: LEKTI LEVANJIL KI SEN AN DAPRÈ MAK 16,1-7