SAMDI 23

Koulè Vèt

PREMYE LEKTI

“Èske se pa twou ròch asasen kay la vin tounen, kote yo rele non’m nan?”

NAN LIV PWOFÈT JEREMI 7, 1-11

Pawòl ki rive kot Jeremi sot nan Granmèt la, ki di : “Kanpe nan pòt kay Granmèt la, preche pawòl sa a nan pòt la, wa di : ‘Koute pawòl Granmèt la, tout moun Jida, k’ap antre nan pòt sa yo pou nou adore Granmèt la’

Men pawòl Granmèt lame yo, Bondye Izrayèl la : “Fè rout nou yo ak kalkil nou yo vin bon, ma abite avèk nou nan kote sa a. Pa mete  konfyans nan pawòl manti, antan n’ap di: ‘Kay sakre Granmèt la, kay sakre Granmèt la, kay sakre Granmèt la ki la !’

Sèke si nou dirije rout nou yo ak kalkil nou yo byen, si nou fè jijman ant moun nan avèk prochen’1, si nou pa fè move depozisyon sou etranje a ak vèv la, si nou pa vide san inosan nan kote sa a, si nou pa mache dèyè dye etranje yo, pou malè pa rive nou, m’ap abite avèk nou nan kote sa a, nan tè a mwen te bay zansèt nou yo depi tout tan e pou tout tan an.

Men nou mete konfyans nou nan pawòl manti, ki p’ap sèvi anyen pou nou. Vòlè, touye, fè adiltè, fè sèman pou bay manti, ofri sakrifis bay Ba al yo, ale dèyè dye etranje yo nou  p’at konnen yo; epi nou vini, nou kanpe devan’m nan kay sa a, kote n’ap rele non’m nan, n’ap di : ‘Nou delivre, paske nou fi’n fè tout bagay sa yo ki lèd yo’.

Èske se twou ròch asasen kay sa a vin tounen, kote yo rele non’m nan je nou yo? Mwen menm, se mwen menm, mwen wè”, deklarasyon Granmèt la.

SÒM REPONS  83, 3. 4. 5-6a é 8a. 11 (r.: 2)

R/ Ala renmen nou renmen joupa ou yo, Granmèt lame yo !

Nam mwen anvi,  l’ap deperi pou kay ou Granmèt la.

Kè’m ak chè’m ap danse pou Bondye vivan an. R.

Menm ti zwazo jwenn yon kay pou li, toutrèl la jwenn yon nich, kote li depoze ti pitit li yo : lotèl ou yo, Granmèt lame yo, wa’m ak Bondye’m. R.

Se chans pou moun ki abite nan kay wa, pou tout tan y’ap fè lwanj ou.

Se chans pou moun ki jwenn sekou’1 nan ou.

Y’ap mache sot nan mèvèy al nan mèvèy. R.

Sèke yon jou nan lakay ou yo pi bon pase mil, mwen chwazi ret sou pa pòt nan kay Bondye’m nan, pase pou’m abite nan joupa moun peche yo. R.

LEVANJIL

“Kite tou lè de grandi jous nan rekòlt la”.

MEN BÒN NOUVÈL JEZIKRI A DAPRÈ MATYE KI SEN 13, 24-30)

Lè sa a :

Jezi prezante yon lòt parabòl bay foul yo, li di :

“Wayòm syèl la sanble ak yon moun k’ap simen bon semans nan jaden 1’. Pandan moun yo ap dòmi, lènmi 1’ rive, li simen chendan nan mitan ble a, epi li pati.

Kou plant la grandi, li bay foul, se lè sa a zèb la parèt. Sèvitè fanmi an pwoche, yo di 1’ : ‘Mèt, èske se pa bon semans ou te simen nan jaden ou an? Kòman fè li gen zèb?’ Li di yo : ‘Se lènmi an ki fè sa’. Sèvitè yo di1’ : ‘Èske ou vle n’al rache1’?’

Li di : ‘Non, pou si nou rache chendan an, nou pa rache ble a tou avèk yo. Kite yo toulède pouse jous nan rekòlt la, nan tan rekòlt la, m’’a di moun k’ap rekòlte yo : Ranmase chendan an anvan, mare1’ nan pakèt, pou yo boule 1’; kanta pou ble a menm, ranmase 1’ nan magazin’m’ ”.

REFLEKSYON: «Kite yo toulède pouse jous nan rekòlt la»

Parabòl jodi a kapab ede nou reflechi sou lavi nan kominote, kote byen an ak mal la, Levanjil la ak peche a, toujou melanje. Sa nou panse ki ta pi bon, se sa fini ak sitiyasyon sa, tankou sèvitè yo kwè sa:« Èske ou vle n’al rache1’?» (Mt 13,28). Men Bondye si tèlman gen pasyans, li rete tann jous nan dènye moman posiblite yon chanjman, paske li se Bon Papa : «Kite yo toulède pouse jous nan rekòlt la» (Mt 13,30).

Se yon reyalize ki pa twò klè, men se la Wayòm nan ye. Bondye envite nou dekouvri siy Wayòm li an pou nou kapab ranfòse li. Menm sib yen ak mal la ansanm, sa pa dwe anpeche nou avanse sou chemen lavi espirityèl la. Nou pa kapab grandi yon lòt fason, ni nou pa kapab rive nan Wayòm nan si se pa nan sosyete n’ap viv la. Travay nou se fè Wayòm Bondye a grandi.

Levanjil la ankouraje nou wè pi lwen ke tandans nou genyen pou nou rejte lòt yo, antan n’ap fè jefò pou nou vin pi bon chak jou.

Nou pa dwe panse nou pi bon ke lòt yo, nou deja rive epi yo menm yo dèyè toujou. Jezi li menm, li konstate nou se moun ki sou chemen an, nou gen anpil wout pou nou fè toujou, nou dwe vanse pi devan.

LAPRIYÈ: Bondye Papa, mèsi paske ou ba nou yon dènye chans, ou pran pasyans ak nou. Lè nou tonbe ou ede nou leve. Ou fè nou kwè nou ka rive pi lwen.

PWOPOZISYON : M’ap pran pasyans ak lòt la, m’ap sipòte defo li ak pasyans menm jan Bondye Granmèt la pran pasyans ak mwen.