MADI 25

Koulè Vèt.

PREMYE LEKTI

“Sakreman sa a gran, nan Jezikri ak nan Legliz la”.

NAN LÈT APOT PÒL KI SEN, POU EFEZYEN YO: 5, 21-33

Frè m’ yo:

Se pou nou youn obeyi lòt nan respè Jezikri. Se pou medam yo obeyi mari yo tankou y’ap obeyi Granmét la; paske mesye a se tèt madanm nan, tankou Jezikri se tèt Legliz la, li menm ki sove kò 1‘la. Men menm jan Legliz la obeyi Jezikri а, konsa tou pou medam yo obeyi mari yo nan tout bagay.

Mesye yo, se pou nou renmen madanm nou tankou Jezikri te renmen Legliz la epi li renmèt tèt li pou li, pou 1’ te kapab fè 1’ vin sen antan 1’ pwòpte 1’ nan beny dlo a nan pawòl lavi a, pou 1’ ofri Legliz la byen bèl ba li, san 1’ pa gen tach ni pli ni okenn defo, men pou 1’ sen, san tach.

Konsa tou mesye yo dwe renmen madam yo tankou kò yo. Moun ki renmen madanm li, li renmen pwòp tèt li. Reyèlman vre, pèsonn pa janm rayi chè 1’, men li ba 1’ manje, li swen 1’, tankou Jezikri fè pou Legliz la : paske nou se manb kò l’, nou fè pati chè 1’ ak zo 1’. “Se pousa mesye a ap kite papa 1’ ak manman 1’ epi 1’ap kole kò l’ ak madanm li; yo de a y’ap vin yon sèl chè”.

Sakreman sa a gran, mwen pale nan Jezikri ak nan Legliz la. Reyèlman vre nou chak, se pou chak moun renmen madanm li tankou li renmen pwòp tèt li; madanm nan menm, se pou 1’ respekte mari 1’.

Pawòl Granmèt la

SÒM 127, 1-2. 3. 4-5

R/ Se chans pou tout moun ki respekte Granmèt la.

Se chans pou tout moun ki respekte Granmèt la, k ‘ap mache nan wout li yo.

Se fwi travay men ou w’ар manje,

Se chans pou ou, w’ар jwenn avantaj. R.

Madanm ou ap tankou yon jaden rezen ki byen donnen sou bò lakay ou;

Pitit ou yo ap tankou jèn plant pye oliv alantou tab ou а. R.

Men se konsa moun nan ap beni, sa k’ respekte Granmèt la.

Se pou Granmèt la beni ou sot Siyon, se pou w’ wè byen Jerizalèm, toulejou lavi ou. R.

LEVANJIL

“Grenn nan devlope, li vin tounen yon gran pye bwa”.

MEN BÒN NOUVÈL JEZIKRI A DAPRÈ SEN LIK 13, 18- 21

Lè sa a Jezi t’ap di :

“Ak ki sa rèy Bondye a sanble, epi ak ki sa mwen tа konpare 1’ ? Li sanble ak yon grenn senve, yon moun pran 1’, li mete 1’ nan jaden 1’, grenn nan devlope, li vin tounen yon gran pye bwa, zwazo syèl yo vin poze nan branch li yo”.

Li t’ap di ankò : “Ak ki sa mwen t’ap konpare rèy Bondye a ? Li sanble ak yon leven, yon madanm pran 1’, li brase 1’ nan twa mezi farin, joustan tout pat la leve”.

An nou fè lwanj ak konpliman pou pawòl Bondye a.

REFLEKSYON: Premye lekti a sanble bay mesye yo plis otorite nan fanmi an, yo se chèf fanmi an. Mesye yo kapab imajine se otorite yo genyen pou yo fè sa yo vle nan kay la, san yo pa respekte madanm yo. Men atansyon! se yon  mesaj ki merite anpil atansyon pou chak moun kapab sezi wòl yo genyen nan yon fwaye. Lè nou apwofondi konpreyansyon tèks la, nou wè se pa lòt bagay ke youn konplete lòt.

Chak moun gen patisyon pa l’ pou l’ pote nan kay la, nan fason l’ap travay pou fanmi an kapab toujou rete ini, pou kapab toujou genyen bon anbyans nan kay la. Nou konnen sa trè byen : Kabrit plizyè mèt mouri nan poto. E yon kote ki pa gen moun ki pran kòmand la, ebyen tout bagay sanse pase nan gagòt. Yon lòt pwovèb kreyòl di nou  «de kòk pa viv nan menm baskou». Konsa nan fwaye a nou konprann kijan li enpòtan pou youn aprann respekte lòt epi moun yo dwe mete tèt yo ansanm pou yo viv.

Pou anbyans sa kapab pote fwi nan kay la, gen yon lòt bagay ki pi enpòtan, se sa nou rele renmen an. Nou konnen gen anpil opinyon ak anpil dokiman yo ekri sou zafè renmen an, men renmen Bondye a se pa yon renmen nou jwenn sou papye, men se yon renmen k’ap aji. Gen moun ki kwè lè 2 moun ap viv ansanm, malgre maryaj la yo pa rive nan dènye limit la renmen an (se kòmsi yo te fèk rankontre), yo dwe kontinye mete konfyans yo nan Bondye pou li kapab kontinye sa li kòmanse nan yo. Yo toujou di lanmou avèg, sa vle di lè w’ renmen ou bliye pwòp tèt pa ou, pou kapab fè sa moun ou renmen an vle, sa ki fè li plezi.

Jounen jodi a, nou kapab konstate maryaj yo pa dire, toutan se divòs. Poukisa ? Nou kwè se paske 2 moun yo pa t’ pran ase tan pou youn aprann konn lòt, pou youn rive aksepte lòt la jan l’ye a (ak kalite li ak defo li). Nou kwè pa gen moun ki bon nèt, sou tè a nou tout se jefò n’ap fè. Sa vle di, li enpòtan pou nou aprann konprann lòt la, aprann akeyi li. Li enpòtan pou nou kapab genyen kouraj pou nou ede lòt la avanse, pou ede li vin pi bon chak jou.  

LAPRIYÈ : Bondye Granmèt, se ou menm ki fè tout sa ki ekziste. Ou te chwazi fi ak gason, ou mete yo viv ansanm pou yo fonde yon sèl fanmi pandan y’ap ba l’ jarèt nan sakreman maryaj la. Tanpri, ede fanmi nou yo fè fas ak tout defi ki devan yo nan tan n’ap viv la. Amèn.

PWOPOZISYON: M’ap aprann renmen plis nan fwaye mwen epi m’ap eseye rankontre yon moun k’ap viv nan plasaj pou m’ konseye li marye.