MADI 6-11-2018

Koulè Vèt.

PREMYE LEKTI

“Li rabese pwòp tèt li, se pousa Bondye leve l’anlè”.

NAN LÈT APOT PÒL KI SEN, POU FILIPYEN YO 2, 5-11

Frè m’ yo :

Se pou nou gen nan nou menm santiman sa yo ki te nan Jezikri :

Li menm, malgre li te nan kondisyon Bondye, egal li egal avèk Bondye a, li pa t’ konsidere sa tankou yon bagay li kenbe pou pwòp tèt pa 1’, men li vide pwòp tèt li antan li pran kondisyon esklav, li vin tankou tout moun, e daprè konpòtman 1’ yo wè li se yon moun.

Li rabese pwòp tèt li, antan li obeyi jous nan lanmò, lanmò lakwa a menm. Se poutèt sa Bondye leve 1’ anlè, li ba 1’ yon non, ki anlè tout non. Konsa, o non Jezi sa a, tout jenou fèt pou plwaye nan syèl la, sou tè a ak anba tè yo, epi tout lang pou deklare se Granmèt Jezikri ye pou bèlte Bondye Papa a.

Pawòl Granmèt la.

SÒM REPONS 21, 26b-27. 28-30a. 31-32

R/  Kote ou, Granmèt, lwanj mwen nan gran Legliz la.

M’ap regle sa m’ te pwomèt yo devan moun ki respekte 1’ yo.

Se pou pòv yo manje, se pou yo gen vant plen,

y’ap fè lwanj Granmèt la, sila yo k’ap chèche 1’ yo.

“Se pou kè yo viv pou tout tan gen tan”. R.

Y’ap sonje, y’ap tounen kot Granmèt la, tout limit tè a,

y’ap adore devan 1’, tout fanmi nasyon yo.

Paske rèy nan se pou Granmèt la, 1’ap komande nasyon yo.

Se li menm sèl y’ap adore, tou sa k’ap dòmi nan tè a. R.

Ras mwen ap sèvi 1’.

Y’ap pale sou Granmèt la bay jenerasyon k’ap vini an,

Y’ap anonse jistis li a bay pèp k’ap fèt la;

“Se bagay sa yo Granmèt la te fè”. R.

LEVANJIL

“Sòti nan chemen yo, ak nan tras wout yo, epi fòse moun antre, pou kay mwen an kapab plen”.

MEN BÒN NOUVÈL JEZIKRI A DAPRÈ LIK KI SEN 14, 15- 24

Lè sa a :

Youn nan envite yo di Jezi : “Se chans pou moun k’ap manje nan peyi kote Bondye  wa a !” Men li menm li di 1’: “Yon mesye te fè yon gran soupe, li envite anpil moun. Lè pou soupe a fèt, li voye sèvitè 1’ la, pou 1’ di envite yo pou yo vini, paske tout bagay deja fin pare. Yo tout kòmanse fè eskiz. Premye a di 1’ : ‘Mwen achte yon pwopriyete, mwen blije soti pou m’al wè 1’ : tanpri, eskize m’. Yon lòt di : ‘Mwen achte senk makòn bèf, mwen gen pou m’eseye yo : tanpri, eskize m’. Lòt la di : ‘Mwen sot marye, se pou sa mwen pa kapab vini’.

Sèvitè a tounen, li anonse mèt li a bagay sa yo. Lè sa a chèf kay la fache, li di sèvitè 1’ la : ‘Sòti byen vit sou plas yo ak nan katye lavil la epi depi se vèv ak malad, avèg ak moun k’ap bwate, fè yo antre isit la’. Sèvitè a di : ‘Granmèt, mwen fè sa, jan ou te kòmande a, men gen plas toujou’. Mèt la di sèvitè  a : ‘Sòti nan gran chemen ak nan tras wout yo, epi fòse moun antre, pou kay mwen an kapab plen’. Mwen di nou, pèsonn nan mesye sa yo mwen te envite a, p’ap goute nan soupe m’ nan”.

An nou fè lwanj ak konpliman pou pawòl Bondye a

REFLEKSYON: Nan premye Lekti a, Apot Pòl ba nou yon vizyon klè sou Jezi: Li se Bondye, li egal ak Bondye, men li fè l’ tou piti pou l’ vin fè youn avèk nou, li vin viv nan mitan nou. Nan jès sa a lanmou Bondye a pou nou parèt aklè. Li desann vin jwenn sila yo li renmen yo, menm si yo nan kondisyon peche, li vin fè wout avèk yo.

Levanjil la pale nou de yon gran soupe. Sa ba nou lide sou kalite fèt Bondye ap fè pou nou, nou tout nou resevwa envitasyon pou nou patisipe nan fèt la: «Se chans pou moun k’ap manje nan peyi kote Bondye  wa a!»

Bondye envite nou nou menm tou, pou nou  louvri pòt kè nou ba li, k’ap tann nou resevwa li lakay nou, se nan kè nou li vle antre e rete jodi a. Ann chèche fè plas pou lanmou Bondye a rive tabli tout bon vre nan lavi nou pandan n’ap chèche viv daprè Pawòl li a ki sen an, konsa n’a viv daprè volonte l’ toutbon tankou Jezikri, Sovè nou an.

LAPRIYÈ: Bondye o, ede nou fè volonte w’ chak jou nan lavi nou.

PWOPOZISYON: Jodi a, mwen vle pote kè kontan bay pwochen mwen, mwen pa vle pèsonn tris akoz mwen menm.