MÈKREDI 2-10-2019

ANJ GADYEN YO KI SEN.

(Memwa)

PREMYE LEKTI

"Si wa a wè sa bon, li mèt voye m’ nan lavil papa m’ nan, pou m’ bati l’".

LEKTI LIV NEEMI 2, 1-8

Rive nan mwa Nisan, ventyèm ane wa Ataksèsès, diven an te devan l’, epi mwen menm Neemi, mwen leve diven an, mwen bay wa a. Mwen te tris devan fas li.

Wa a di m’: "Pouki sa fas ou tris konsa a, paske mwen pa wè ou malad? Se pa pou granmesi; men gen yon maladi, mwen konn kisa, nan kè ou".

Mwen te pè anpil, epi mwen di wa a: "Moun wa, se pou ou viv tout tan! Kòman pou fas mwen pa ta chagren, paske lavil kay tonbo zansèt mwen vide, pòt li yo boule nan dife?"

Wa a di m’: "Pou ki bagay ou vle mande?"

Mwen lapriyè Bondye syèl la, mwen di wa a: "Si wa a wè sa bon, si sèvitè ou fè ou plezi devan fas ou, voye m’ nan peyi lajide ak nan lavil tonbo zansèt mwen yo, pou m’ bati l’".

Wa a ak rèn nan ki te chita kote l’ la, yo di m’: "Jouskilè vwayaj ou a ap dire, epi kilè w’ap tounen?" Sa fè wa a plezi, li voye m’. Mwen fiske tan an pou li.

Mwen di wa a: "Si wa a wè sa bon, se pou l’ ban m’ lèt pou chèf rejyon lòt bò larivyè a, pou yo kondui m’ jous mwen rive nan lajide; ansanm avèk yon lèt pou Asaf, gadyen rak bwa wa a, pou l’ ban m’ bwa pou m’ kapab kouvri pòt kay defans la, ak miray lavil la, ak kay la kote m’ a pral antre a". Wa a ban mwen yo, men Bondye te avèk mwen.

Pawòl Granmèt la.

SÒM REPONS 136, 1-2. 3. 4-5. 6 (r.: 6a)

R/ Se pou lang mwen kole nan palèt mwen, si m’ pa sonje ou.

Sou bò gran larivyè Babilòn yo, se la nou te chita epi nou t’ap kriye, pandan nou t’ap sonje Siyon.

Nan pye banbou nan mitan l’ yo, nou te pandye gita nou yo.R.

Paske se la sila yo ki te fè nou prizonye yo te mande nou pawòl kantik,

epi sila yo k’ap pèsekite nou yo, kè kontan: "Chante pou nou nan kantik Siyon yo".R.

Kijan pou nou ta chante kantik Granmèt la nan tè etranje?

Si m’ bliye ou, Jerizalèm, se pou men dwat mwen bliye m’.R.

Se pou lang mwen kole nan palèt mwen, si m’ pa sonje ou,

si m’ pa mete Jerizalèm nan sous kè kontan m’.R.

LEVANJIL

"M’ap suiv ou tout kote w’ a prale".

MEN BÒN NOUVÈL JEZIKRI A DAPRE LIK KI SEN 9, 57-62

Lè sa a:

Jezi t’ap mache ansanm avèk disip li yo sou wout la, gen yon moun ki di l’: "M’ap suiv ou tout kote ou a prale".

Jezi di l’: "Rena yo gen twou yo, zwazo syèl yo gen nich yo; Pitit moun nan menm pa gen kote pou l’ apiye tèt li".

Li di yon lòt: "Suiv mwen". Sila a menm di: "Granmèt, pèmèt mwen al antere papa m’ anvan".

Jezi di l’: "Kite mò yo antere mò pa yo; kanta ou menm ale, epi anonse peyi Bondye ki wa a".

Yon lòt di: "M’ap suiv ou, Granmèt, men pèmèt mwen al avèti moun lakay mwen yo anvan". Jezi di l’: "Moun ki mete men l’ nan zouti bèf la ap redi pou vire tè a, epi ki gade dèyè, nan pwen moun konsa ki alarotè rèy Bondye a".

REFLEKSYON: Kisa Bondye di m' nan Pawòl li a jodi a?

LAPRIYE: Bondye, depi davans, yon jan ki depase mezi espri nou, ou te voye Anj ou yo ki sen yo pou pwoteje nou, tanpri, nou menm k’ap priye ou, fè nou favè pou nou toujou jwenn defans nou nan pwoteksyon yo, epi pou nou jui ansanm avèk yo pou tout tan. Pa pouvwa Jezikri.

AKSYON: Kisa Pawòl la voye m' akonpli jodi a nan lavi mwen, nan kominote m'ap viv la?